Эрдўғон Ислом ҳамкорлик ташкилотининг таъсирини янада кучайтиришни таъкидлади

Туркия президенти Ислом ҳамкорлик ташкилоти минтақа масалаларида ўз таъсирини ўтказишга қодирлигини янада кучайтириши керак деб таъкидлади. 

Туркияда чоп этиладиган Акшом рўзномасининг интернет сайти тарқатган хабарга кўра, Туркия президенти Ражаб Тоййиб Эрдўғон Африка мамлакатлари бўлмиш Судан, Чад ва Тунисга уюштирган расмий сафаридан қайтиб келганда Анқарада шундай айтдики, Истанбуда13 декабр куни ўтказилган Ислом ҳамкорлик ташкилотининг йиғилишида Қудс бўйича қабул қилинган қарори, ушбу ташкилотнинг барча аъзоларини мазкур ташкилотнинг қудратини ва имкониятини янада оширишга туртки берди.

Шунингдек, Туркия президенти Ислом ҳамкорлик ташкилотини БМТда ўзига хос таъсирга эга бўлган мавқеъни эгаллаши кераклигини ва ўз вазифасини янада қудратли қилиши лозим деб қайд этди. 

Ислом ҳамкорлиги ташкилоти давлатлари пойтахти шарқий Қудс бўлган Фаластин давлатини тан олишини эълон қилишиб, жаҳон ҳамжамиятини Шарқий Қудсни Фаластин давлатининг оккупация қилинган пойтахти деб тан олишга чақирган эди. 

БМТ Бош ассамблеяси Қудснинг Исроил пойтахти сифатидаги мақоми бўйича АҚШ қарорини тан олмаслик ҳақидаги резолюцияни қабул қилган эди. Резолюцияга 128 та давлат овоз берди, 9 давлат қарши чиқди, 35 давлат бетараф қолди.