НАТО бош котиби Россия туфайли янги ядровий пойга юз бериши мумкинлиги ҳақида маълум қилди
-
НАТО бош котиби Россия туфайли янги ядровий пойга юз бериши мумкинлиги ҳақида маълум қилди
Йенс Столтенбергнинг маълум қилишича, Россия ўрта ва кичик масофадаги ракеталарни йўқ қилиш тўғрисидаги Битимни бузмоқда ҳамда шу тариқа янги ядровий пойгага ундамоқда.
НАТО бош котиби Йенс Столтенбергнинг маълум қилишича, Россия ўрта ва кичик масофадаги ракеталарни йўқ қилиш тўғрисидаги Битимни бузмоқда ҳамда шу тариқа янги ядровий пойгага ундамоқда. Бу ҳақда сиёсатчи Bild газетасига берган интервьюсида айтиб ўтди.
«АҚШ ракеталарни йўқ қилиш тўғрисидаги Битимга имзо чеккан давлатлардан бири сифатида шуни аниқладики, Россия уни бузмоқда ҳамда янги ўрта масофадаги ракетани ишлаб чиқиш, шунингдек, синовдан ўтказишни мўлжалламоқда. НАТО бўйича барча шериклар хавотирда», - дея айтиб ўтди Столтенберг.
Столтенбергнинг таъкидлашича, Россиядаги ядро қуроллари модернизацияси Европанинг бошқа мамлакатларини ядро дастурини ривожлантиришига туртки бериши мумкин.
