Путин: Ғарбнинг Сурияга ҳужум қилишидан мақсади террорчиларга кўмак қилиш эди
-
Путин: Ғарбнинг Сурияга ҳужум қилишидан мақсади террорчиларга кўмак қилиш эди
Россия президенти Ғарбнинг хусусан Америкка, Франция ва Британия томонидан Сурияга қарата амалга оширган ҳужумини террорчиларга ёрдам кўрсатиш дея баҳолади
Россия президенти Владимир Путиннинг маълум қилишича, БМТ Хавфсизлик кенгашини четлаб ўтган ҳолда ҳарбий куч қўллаш террорчиларга фойда келтиради ва беқарорликни келтириб чиқаради. Бу ҳақда Ирна ахборот агентлиги Путиннинг хавфсизлик масалаларига куратор бўлган юқори даражали вакилларнинг тўққизинчи халқаро учрашуви иштирокчиларига йўллаган мурожаатига асосан хабар бермоқда.
«Бугун глобал ва минтақавий даражада хавфсизликни таъминлаш муаммолари ўта долзарб аҳамиятга эга бўлмоқда. Бу жаҳон ҳамжамиятининг баъзи аъзолари умумий тан олинган нормалар ва халқаро ҳуқуқ принципларига эътибор бермаётгани, БМТ Хавфсизлик кенгашини четлаб ўтган ҳолда ҳарбий кучни қўллаётгани, давлатлараро баҳсларга ечим топишда музокаралардан бош тортаётгани билан боғлиқ», - дейилади Путиннинг мурожаатида.
Шунингдек, унинг маълум қилишича, Сочида Россия Хавфсизлик кенгаши шафелигида ўтказилаётган ҳозирги учрашув турли таҳдидларга қарши курашиш йўлларини ишлаб чиқиш учун яхши имконият беради.
«Шуни таъкидлаб ўтишни хоҳлардимки, Россия бу йўналишда хорижий шериклар билан яқиндан ҳамкорлик қилишга тайёр – ҳам кўп томонлама шаклда, ҳам икки томонлама асосда», - дея қўшимча қилиб ўтди Путин.
