Туркия: АҚШ Қудсдан чиқиб кетиши керак

Туркия бош вазирига кўра, Америка фаластинликлар билан душманликни бас қилиб, Қудсни тарк этиши керак. 

Ирна агентлиги тарқатган хабарга биноан, Бин Али Йилдирим Туркиянинг Диёрбакр шаҳридаги маросимда шундай айтдики, АҚШ ўзбошимчалик ва ўзбилармонлик билан ҳамда халқаро қонунларга хилоф тарзда ўзининг Телавивдаги элчихонасини Қудсга кўчирди. АҚШнинг ушбу кескин ҳаракатлари минтақа вазиятини янада чигаллаштирди ва тўқнашувларни авжига чиқарди. 

Туркия бош вазирининг таъкидлашича, Америка Сионистик режимни ҳимоя қилишни тўхтатиши керак ва Байтул муқаддасдан чиқиб кетиши лозим. 

Шунингдек, Бин Али Йилдирим шундай қўшимча қилиб ўтдики, Вашингтон ва телавивнинг сиёсатчилари АҚШ элчихонасининг Байтул Муқаддасда очилиши маросимини ўтказиб хурсандчилик қилаётган пайтларида, Сионистик режим ҳарбийлари АҚШнинг ушбу ҳаракатларига қарши эътироз билдириб кўча намойишлари ўтказаётган фаластинликларни оммавий қирғин қилиш билан банд бўлишган. Ушбу оммавий қатл этиш ҳаракатлари Оқ уй томонидан тарғиб ва ташвиқ этилган. 

АҚШ президенти Дональд Трамп 2017 йилнинг 6 декабр кунида Қудсни Исроил пойтахти сифатида тан олиш ва АҚШ элчихонасини Тель-Авивдан Қудсга кўчириш қарори ҳақида маълум қилган эди. АҚШнинг Қудсдаги элчихонаси биноси 14 май куни очилди.

АҚШнинг Телавивдаги элчихонасининг Қудсга кўчирилишига эътироз билдириб кўча намойишлари ўтказаётган Фаластин халқи Сионистик режимнинг аёвсиз ҳужумларига учради   

Фаластин халқининг намойишларига қарата Қудсни ишғол этган босқинчи Сионистик режим ҳарбийлари томонидан қуроллардан ўқ отилиши натижасида 60 дан ортиқ фаластинлик шаҳид бўлди ва 3 мингдан зиёд инсонлар оғир тан жароҳати олишди.