АҚШ президенти халқаро келишувлар, жумладан Баржомдан чиққанини муҳим ютуқлар дея атаган.
Форс ахборот агентлиги тарқатган хабарга кўра, АҚШ президенти Дональд Трамп Невада штатида нутқ сўзлади.
АҚШ президенти Дональд Трамп сўзлаган нутқида ўзининг президент сифатида фаолият бошлагани давомида Эрон ядровий келишуви ва Париж халқаро иқлим шартномасидан чиққанини ҳамда Америка элчихонасини Қуддусга кўчирилганини Оқ уй қўлга киритган катта ютуқлар дея атади.
АҚШ президенти Америка ва Шимолий Корея ўртасида ядровий қуролларни йўқ қилиш бобидаги шартномага ҳам ишора этиб, Шимолий Корея раҳбари билан яхши алоқа ўрнатганини баён қилди.
Ҳолбуки, Трамп жума куни чиқарган фармонида Шимолий Кореяни "оддий бўлмаган ва фавқулодда таҳдид" дея, Пхенян ҳукуматига қарши санкцияларнинг муддатини яна бир йилга узайтирди.
АҚШ президенти ўз иттифоқчилари билан бўлаётган тижорат урушига ҳам ишора этиб, ўтган йили Америка Хитой билан бўлган тижорат урушида 500 миллиард долларни қўлдан берганини ҳам баён қилди.
