Хитойда ҳар бир хонасидан ҳашамат уфуриб турувчи меҳмонхона барпо этилди (фото)

Хитойда Лондон, Нью-Йорк ва Дубайдаги люкс меҳмонхоналар билан рақобатлаша оладиган илк етти юлдузли меҳмонхона бунёд этилди

Wanda Reign меҳмонхонаси Шанхайда жойлашган бўлиб, у уч йил давомида 515 миллион доллар эвазига қурилди. Маблағнинг асосий қисми ҳашамдор интерьер учун сарфланган.

Меҳмонхона дизайни Британиянинг Foster+Partners компанияси томонидан ишлаб чиқилган. Ушбу компания меҳмонхона дизайнини яратишда ар-деко ва Хитой меъморчилик санъати элементларини умумлаштирган.