Трамп: АҚШ дунё полициячиси бўлиб қололмайди
"Биз бутун дунё бўйлаб тарқалганмиз. Биз, ҳаттоки аксарият одамлар эшитмаган мамлакатларда ҳам бормиз. Кулгили, чин сўзим", - деб айтган Трамп
АҚШ бундан кейин дунё полициячиси мақомида қололмайди, деб баёнот қилди Трамп Ироққа уюштирган эълон қилинмаган ташрифи давомида.
"Қўшма Штатлар жаҳон полициячиси бўлиб қололмайди. Бу фақат бизга юк бўлаётгани, адолатданмас", - дея иқтибос келтирган Оқ уй журналисти Трамп нутқидан.
Трамп шунингдек, мудофаага пул тўламайдиган бошқа мамлакатлар АҚШ ҳарбийларидан ўз ҳимояси учун фойдаланишларини Вашингтон хоҳламаслигини айтмоқда.
"Биз бутун дунё бўйлаб тарқалганмиз. Биз ҳаттоки аксарият одамлар эшитмаган мамлакатларда бормиз. Кулгили, чин сўзим", - деб қўшимча қилган Трамп.
Трамп бунга ўхшаш баёнотларни аввал ҳам қилган. Мисол учун, апрел ойида Нигерия президенти Муҳаммаду Бухари билан ўтказилган қўшма матбуот-анжуманида Трамп АҚШ ўн йилликлар давомида дунёдаги тартибни сақлаб туриш учун улкан маблағларни сарфлаганини таъкидлаб, аммо эндиликда бу устувор вазифа бўлмаслигини қайд этган эди.
"Биз ўзимизнинг мамлакатни тартибга келтиришни, ўзимизнинг мамлакатни қайта тиклашни режалаштирмоқдамиз", - деб баёнот қилган эди у ўша вақтда.
Айтиш керакки кеча АҚШ президенти Дональд Трамп Ироқ ғарбидаги Ал-Анбор вилоятининг Айнуласад ҳарбий базасига борди.
У 3 соатлик сафари жараёнида Ироқ бош вазири Одил Абдулмаҳдий билан учрашмасдан Ироқни тарк этди.
Аммо Оқ уй Ироққа сафар қилган Дональд Трамп Ироқ бош вазири Одил Абдулмаҳдий билан телефон орқали суҳбатлашганини эълон қилди.
Ливаннинг Алмаёдин телеканали маълумотларига кўра, Ироқ раҳбарлари жумладан мамлакат Бош вазири, президенти ва парламент раиси Ал-Анбор вилоятидаги Айнуласад базасида Трамп билан учрашувни рад этишган.
-
Вашингтон пост: Трамп Яқин Шарқдаги диктаторларни қўллаб қувватламоқда
-
АҚШ коалицияси Ироқ ва Сурияда 841 нафар тинч аҳолини ўлдирганини тан олди
Ал-Ибодий: Америка ҳарбийлари Ироқ юртини босқичма-босқич тарк этади
