Трамп Венесуэла мухолифати етакчиси Хуан Гуайдо билан телефон мулоқоти ўтказди
-
Трамп Венесуэла мухолифати етакчиси Хуан Гуайдо билан телефон мулоқоти ўтказди
АҚШ президенти Доналд Трамп Венесуэла ички ишларига аралашиш сиёсатлари давомида чоршанба куни Венесуэла мухолифати етакчиси Хуан Гуайдо билан телефон мулоқоти ўтказди
Эрон телерадиоси ахборот агентлиги тарқатган хабарга кўра, АҚШ президенти Доналд Трамп Венесуэла ички ишларига аралашиш сиёсатлари давомида чоршанба куни Венесуэла мухолифати етакчиси Хуан Гуайдо билан телефон мулоқоти ўтказди.
Трамп ушбу телефон суҳбатида Венесуэла мухолифати етакчиси Хуан Гуайдони қўллаб-қувватлашини таъкидлади. Икки тараф мазкур телефон мулоқотда келгуси кунларда ҳам яна телефон суҳбатларини давом эттиришларини ва кўчаларда исён кўтаришни янада кучайтириш бўйича режалар ҳақида келишиб олишди.
Шунингдек, АҚШ президенти ўзининг Твиттер саҳифасида Венесуэла халқини Венесуэла президенти Николас Мадуро давлатига қарши қўзғалон кўтаришга чорлади.
АҚШ президенти маслаҳатчиси Жон Болтон ҳам чоршанба кунги чиқишида Венесуэлага иқтисодий босимларни янада кучайтириш учун Каракас билан банк ва тижорат соҳасида ҳамкорлик қиладиган ширкатларни огоҳлантирди.
