Шимолий Корея АҚШни ракета зарбаси билан таҳдид қилди

“Биз Америка қитъасига ракеталар отиш орқали дунёни лол қолдиришимиз мумкин”, дея эълон қилди Шимолий Корея.

АҚШ ва Бирлашган Миллатлар Ташкилоти Хавфсизлик Кенгаши аъзолари Шимолий Корея 2006-йилда ўтказган биринчи ядровий синовдан сўнг Шимолий Кореяга қарши бир неча бор санкциялар киритди.

Санкцияларга қарамай, Шимолий Корея минтақадаги АҚШ қўшинларининг таҳдидига қарши туриш учун ҳарбий салоҳиятини кучайтиришни таъкидлаб келади.

ИСНАънинг хабар беришича, Шимолий Корея ташқи ишлар вазирлиги баёнотида шундай дейилади: Кўпгина давлатлар АҚШ билан мулоқот қилиш ва унга кўр-кўрона бўйсуниш ва таслим бўлиш билан вақтларини беҳуда ўтказаётган бугунги дунёда бизнинг мамлакатимиз Америка қитъасига етиб бора оладиган ракетани отиб дунёни ларзага келтира оладиган сайёрамиздаги ягона давлатдир.

Шимолий Корея ташқи ишлар вазирлиги баёнотида айтилишича, дунёда 200 дан ортиқ давлат бор, лекин водород бомбалари, қитъалараро баллистик ракеталар ва товушдан тез учувчи ракеталар саноқли холос.

Пхенян 2022-йил январида бир қатор ракеталарни синовдан ўтказганидан сўнг Шимолий Корея ва АҚШ ўртасидаги таранглик кучайган.

Шимолий Корея ташқи ишлар вазирлиги мамлакат ракеталари урушни тўхтатиш учун ишлаб чиқилганини ва кўплаб ички муаммолар, жумладан озиқ-овқат тақчиллиги билан курашаётган мамлакат учун муҳим ютуқларни кўрсатишини таъкидлади.

Шимолий Корея АҚШ Пхенян режимини ағдаришга қаратилган душманлик сиёсатини тўхтатмагунча, ракета ва ядро дастуридан қайтмаслигини бир неча бор таъкидлаган.