Пекин: Россия томони Украина билан тинчлик музокараларини қайта бошлаш мажбуриятини эълон қилди
-
Пекин: Россия томони Украина билан тинчлик музокараларини қайта бошлаш мажбуриятини эълон қилди
Хитой Ташқи ишлар вазирлиги Россиянинг Украина билан тинчлик музокараларини қайта бошлаш мажбуриятини эълон қилди.
Эрон телерадиокомпаинясининг ўзбек тилидаги сайтнинг хабар қилишича, кеча (чоршанба) Хитой раиси Си Сзинпиннинг Россияга ташрифи якунида ушбу мамлакат Ташқи ишлар вазирлиги маълум қилди:Учрашувлар якунида икки давлат президентлари Украина масаласи бўйича қўшма баёнотни имзоладилар.
Ушбу баёнотга кўра, Россия томони тинчлик музокараларини имкон қадар тезроқ қайта бошлаш мажбуриятини янгилаган ва буни Пекин юқори баҳолаган.
Аввалроқ Россия ва Хитой манбалари Хитой раҳбарининг Россияга ташрифининг асосий йўналишларидан бири Украина инқирози ва Пекиннинг Москва ва Киев ўртасида музокаралар столига қайтиш учун воситачилик қилишга уриниши ҳақида хабар берган эди.
Шу билан бирга, Хитой ташқи ишлар вазири Чин Ганг Си Сзинпиннинг Москвага ташрифи ҳақида шундай деди:Хитой ва Россия президентлари музокараларида кўплаб консенсусга эришдилар ва икки томон ўртасидаги ҳамкорлик стратегик ва ишончлидир.
Чин Ганг Американинг минтақада кескинлик яратишга қаратилган саъй-ҳаракатлари ҳақида шундай деди:Минтақа давлатлари ҳушёр бўлиши ва Вашингтон томонидан мажбурлаш ва эксплуатация қилишдан қочиши керак.
Россия президенти Владимир Путин сешанба куни шундай деди:Агар Ғарб ва Украина тайёр бўлса, Хитой тақдим этган лойиҳа Украинада муросага келиш учун асос бўлиши мумкин.
Хитой лойиҳасида Москва ва Киев ўртасида тинчлик музокаралари бошланиши, ўт очишни тўхтатиш, Россияга қарши Ғарб санкцияларини тугатиш, ядровий объектлар хавфсизлигини таъминлаш бўйича чора-тадбирлар кўриш, тинч аҳоли учун гуманитар ўтиш ўтиш жойларини яратиш ва ғалла экспортини таъминлаш чоралари алоҳида таъкидланган. Шунингдек, Хитойнинг тинчлик режасида Пекиннинг барча мамлакатларнинг суверенитети, мустақиллиги ва ҳудудий яхлитлигини самарали кафолатлашга асосланган позициялари таъкидланган ва "совуқ уруш менталитети"га барҳам беришга чақирилган.
