Британияда монархияга қарши мухолифат бостирилди
-
Британияда монархияга қарши мухолифат бостирилди
Британияда Чарлз учинчининг тож кийиш кунида монархиянинг ўнлаб мухолифлари ҳибсга олинди.
Қиролича Елизавета иккинчининг тўнғич ўғли Чарлз учинчи 6-май, шанба куни Британия тожини эгаллади. У онаси вафотидан кейин 2022 йил сентябридан бери қирол этиб тантанали равишда таништирилди, бироқ кўп йиллик анъанага риоя қилиб, тож кийиш маросимини бир неча ойдан кейинга қолдирди.
Скай Неwс телеканали Британия қиролининг тож кийиш маросими нархини 250 миллион фунт стерлингга баҳолади, бу 314 миллион долларга тенг.
Эрон телерадиокомпаниясининг ўзбек тилидаги сайтининг хабар қилишича, Британия полицияси шанба куни яьни янги Британия қиролининг тож кийиш маросими билан бир вақтда Лондон кўчаларида монархия ва Чарлз учинчининг тахтга ўтиришга қарши чиққан Республикачилар гуруҳи рахбари Грем Смит ва ўнлаб намойишчиларни ҳисбга олди
Бир қатор маҳбусларнинг Иранпресс нашрига берган интервюсида таъкидлашича, Британия полицияси уларнинг кўйлагига монархияга қарши шиорлар ва демократия талабларини ёзгани учун уларнинг ёзувларини тортиб олиб, қўлларига кишан солиб, ҳибсга олган.
Британия қироллик тизимининг минглаб мухолифлари мамлакатнинг турли шаҳарларида, хусусан, Лондонда Чарлз учинчининг тож кийиш маросимига қарши норозилик билдириб, “Сен менинг қиролим эмассан” шиорини кўтариб, Британия монархиясини ағдаришни талаб қилди.
