АҚШнинг Портланд шаҳрида Доналд Трампга қарши намойишларда иштирок этаётганлардан бири ўлдирилди 

Полиция тарқатган хабарга кўра, Ореган штатининг Портланд шаҳрида Доналд Трампга қарши намойишларда иштирок этаётганлардан бири ўлдирилган. 

Дональд Трамп рақиблари президентлик сайлови натижаларини қабул қилишни ҳоҳламаяпти. Бу ҳақда ал-Олам телеканали хабар берди. Америка шаҳарлари кўчаларида, иккинчи кундирки, Дональд Трампнинг президент сифатида сайланишига норозилик сифатида намойишлар бўлиб ўтмоқда. Хусусан, Нью-Йорк, Чикаго, Филадельфия, Балтимор, Окленд, Милуоки ва бошқа йирик шаҳарларда шундай намойишлар ташкил этилган. Полиция тарқатган хабарга кўра, Ореган штатининг Портланд шаҳрида Доналд Трампга қарши намойишларда иштирок этаётганлардан бири ўлдирилган. 

Камида 196 киши АҚШда Дональд Трампнинг АҚШ президенти этиб сайланганига қарши оммавий норозилик акцияларининг учинчи кунида полиция участкаларига тушган. Хусусан, Калифорния штатининг Лос-Анжелес шаҳрида 185 киши, Окленд шаҳрида яна 11 киши ҳибсга олинди. Лос-Анжелесдаги норозилик акциялари натижасида бир киши — полиция офицери жабрланган. 

Оклендда эса намойишчилар ахлат қутиларини ёқиб юборди, витриналарни синдирди ва биноларга граффити чизди. 11 ноябрь, жумага ўтар кечаси намойишчиларнинг катта қисми Окленд мэрияси олдидаги майдонга тўпланди ва Трампнинг сайланишига қарши шиорларни бақириб айтди. Оклендда жами мингга яқин киши акцияда қатнашгани хабар берилмоқда.