Шимолий Корея Сариқ денгиз томон қанотли ракета учирди
-
Шимолий Корея Сариқ денгиз томон қанотли ракета учирди
Жанубий Кореянинг Ёнҳап ахборот агентлиги шанба куни тонгда Шимолий Корея Корея ярим ороли ғарбидаги Сариқ денгиз томон бир нечта қанотли ракеталарни учиргани ҳақида хабар берди.
Шимолий Корея Қўшма Штатлар ва унинг минтақадаги иттифоқчилари мамлакатга қарши бузғунчи ва кескинликни келтириб чиқарувчи ҳаракатларни тўхтатмагунча, Пхенян ўз ҳудудини ҳимоя қилиш учун ҳарбий қудратини оширишини бир неча бор эьлон қилган.
Эрон Телерадиокомпаниясининг Ўзбек сайтининг хабар беришича, Жанубий Корея армиясининг бирлашган штаби ушбу мамлакат ва АҚШ разведка идоралари ракеталар тури ва бошқа тафсилотларни аниқлаш учун ушбу ҳаракатни таҳлил қилиб, баҳолаётганини маьлум қилди.
Чоршанба куни эрталаб Шимолий Корея ҳам Япон денгизи томон баллистик ракета учирди.
Бу баллистик ракета Шимолий Корея ўтган ҳафта ушбу мамлакатнинг шарқий қирғоғига қўнган “Ҳwасонг-18” қитьалараро баллистик ракетасини учирганда учирилган.
АҚШ, Жанубий Корея ва Япония ракета учирилишини қоралади, бироқ Шимолий Корея бу қоралашни рад этиб, бу ҳаракат ўзини ҳимоя қилиш мақсадида амалга оширилганини айтди.
Ушбу ракетанинг учирилиши Шимолий Корея АҚШ жосуслик самолётларини унинг ҳаво ҳудудини бузганликда айблаганидан кейин содир бўлди.
Шимолий Корея ҳам Жанубий Кореяга АҚШ қанотли ракетаси билан жиҳозланган ядровий сув ости кемасининг етиб келишини қоралади ва бунга жавобан жавоб беришини айтди.
