Бугун жума

Бугун жума

Ҳижрий-шамсий 1395-чи йил  баҳман ойнинг  22-чиси

Ҳижрий- қамарий 1438-чи  йил жамодиюл аввал ойининг 12-чиси

Ва милодий ҳисоб билан 2017 йил феврал ойининг 10-чи кунидир.

Бундан 485 йил олдин, ҳижрий-қамарий 953 йил жумодиюл-аввал ойининг ўн иккинчи кунида Дамашқнинг буюк фақиҳи,олим ва тарихчи Ибн Тулун Дамашқий вафот эти.У ҳижрий-қамарий 880 йилда Дамашқ шаҳрида дунё келиб ҳаёти давомида таълим бериш ва тадқиқот ишлари билан шуғуланган. Ибн Тулун Дамашқий умумий илмларни ўрганганидан сўнг ҳадис илмини ўрганишни бошлади. У ўз таржимаи ҳолини ёзиб қолдирган мусулмон олимлардан бири ҳисобланади. Бу буюк олимдан Ислом тарихида фиқҳ, ҳадис, тафсир, ирфон ва Қуръон заминасида  тенгсиз асарлар қолган. У мазкур илмларидан ташқари тарих, география ва адабиёт фанларидан ҳам таълим олган ва шеъриятни жуда ёқтирар эди. “Ал-Сафина ал-Тулуния” китоби бу буюк олимнинг қаламига мансубдир.

Бундан 126 йил муқаддам милодий 1891-чи йил февраль ойининг 10-чисида:

Россиянинг математика илми бўйича олими София Круковский вафот этди. У милодий 1850 йилда Москвада таваллуд топди. У математика илмига катта қизиқиш зоҳир этсада, аёл бўлганлиги туфайли университетга киролмади. Шунинг учун у Германияга сафар қилиб, физика ва математикани ўрганишга сайъ-ҳаракат қилди. Аммо Круковскийнинг униветситетга кириш жараёнлари муаммоларга юзмаюз бўлган эди. Шу сабабдан у хусусий тарзда математика илмининг устоди Карл Войрошстраус олдида ушбу фанни қизиқиш билан ўрганди. Милодий 1874 йилда Германиянинг Гутенген университети Круковскийга сиртдан физика фанни бўйича докторлик даражасини берди. У милодий 1888 йилда ҳам Франция академиясининг муътабар мукофотини олишга муяссар бўлди. Россиянинг физика бўйича ушбу олими 1884 йилдан бошлаб милодий 1891 йили ўзининг ўлимигача Стокгольм университетида ўзининг яхши кўрган йўналиши, яъни математикани дарс бериш билан шуғулланди. 

 70 йил олдин шу куни, милодий 1947 йил 10 февралда Иккинчи Жаҳон Уруши сўнгида бир томондан АҚШ, Шўролар Иттифоқи, Англия ва Франсия, иккинчи томондан Италия, Финляндия, Полша, Венгрия, Руминия ва Болгария ўртасида тинчлик келишуви имзоланди ва шу тариқа бу олти ўлка мустақилликка эришди. Албатта, уруш сўнгида Шўролар Иттифоқи томонидан ишғол этилган Полша, Венгрия, Руминия ва Болгария мажбурий равишда коммунистик тузум таркибига киритилди. Иттифоқчилар Германия ва Япония борасида алоҳида қарор қабул қилдилар.

Бундан 38 йил муқаддам ҳижрий-шамсий 1357-чи йил баҳман ойининг 22-чисида:

Эрон ўзининг таърихий ва тақдирни белгиловчи кунларидан бирини ўз бошидан ўтказди. Руҳ бағишловчи Аллоҳу Акбар шиори остида Эроннинг инқилобий ва мусулмон халқининг жон фидо этишлари ва Имом Хумайний раҳматуллоҳи алайҳнинг огоҳлик билан раҳбарлик қилишлари шаҳоншоҳликнинг зулм ва мустабидлигига якун берди ва йиллар давомида кўраш олиб боришдан сўнг Исломий Инқилоб ғалабага эришди.

Бу кунда аёл ва эркаклар, ёш ва қариялар ҳар ким ўз қудратига яраша жавр ва зулм режимини ағдариш учун сайъ-ҳаракат қилишди. Улар хиёбонларда тўсиқликлар яратишлари , танклар баробарида ўз кўкракларини қалқон қилишлари ва ўз жонларини фидо қилишлари билан Инқилобнинг ғалаба қозонишига кўмак беришди. Нафақат Теҳронда, балки Эроннинг барча шаҳарларида Шоҳ режимининг қолган кучлари билан халқнинг тўқнашувлари давом этди. Халқ қиёмини бостириш учун Эроннинг турли шаҳарларидан ҳарбий кучларнинг Теҳрон томон ҳаракат қилиши ҳақида хабарлар тарқалганида,  йўлда қарор олган шаҳарларнинг халқлари ҳарбий кучлар билан тўқнашишди ва йўлларни бикитишлари билан уларнинг Теҳрон томон ҳаракат қилишларига тўсиқлик яратишди. Аммо халқнинг устуворлик билан қаршилик кўрсатишларини кўриб, армия охири ўз бетарафлигини эълон қилди. Бу ўртада шоҳ режимининг муҳим марказларидан бири бўлмиш радио ва телевидения ҳарбийларнинг ишғолидан чиқиб инқилобий ва халқ томонидан қулга олинди ва бир неча лаҳзалардан кейин Эрон радиосининг диктори томонидан  Исломий Инқилобнинг ғалабаси ва Шоҳ режимининг ағдарилиши ҳақидаги хабарни эълон қилди. Бу хабар ҳақиқатан ҳам зулм қасри бўлмиш золим подшоларнинг 2500 йиллик мустабидлигининг инқирозга учрагани, ҳаққнинг ботил устидан ғалаба қозониши ва шунингдек Имом Хумайний раҳматуллоҳи алайҳ томонидан Исломий Жумҳурият тизимига асос солишининг заминаси эди.

Эрон Исломий Инқилобнинг шукўҳли ғалаба қозонгани муносибати билан барча мусулмонлар ва дунёнинг эркинсеварларини муборакбод этамиз!