Ўзбекистон цирки

Меҳрибон ва раҳмли Аллоҳ номи билан

Ассалому алайкум, азиз ва муҳтарам радиотингловчилар!

"Биз ва тингловчи" номланган ҳафталик эшиттиришнинг янги сони  яна эфирда. Бизни тинглаб  борасиз деган умиддамиз.

Бугунги эшиттиришимизда Ўзбекистон цирки ҳақида сизга маълумот бермоқчимиз.

Айтиш лозимки,  3 март ўзбек цирки асосчиларидан бири 1963 йил оламдан ўтган Тошкентбой ҳожи Эгамбердиевнинг таваллуд куни ва айни пайтда Тошкент циркига асос солинган кундир.

Айтишларича, ўтган асрнинг 70-йиллари ўрталарида Тошкент давлат цирки биноси қад ростлаган экан. Бу ерда ҳозирги кунгача нафақат маҳаллий, балки кўплаб хорижий мамлакатлар цирклари ҳам ўз томошаларини намойиш этиб келяпти. “Ўзбекдавлатцирк” бирлашмаси ташкил этилгандан сўнг асосий эътибор ўзбек цирки миллийлигини таъминлашга қаратилган: - Бироқ бу борада бир қанча муаммолар бор. Миллий кадрлар етишмаслиги ўзбек халқи анъаналарини цирк орқали кенгроқ тарғиб этишга тўсқинлик қилмоқда. Цирк артистлиги тор мутахассислик бўлгани учун маҳаллий миллат вакиллари орасида соҳага қизиқувчилар кам. Айрим ҳолларда соҳа мутахассислари орасида   иқтисодий аҳволни рўкач қилиб, циркни ташлаб кетиш ҳолатлари учраб туради. Ўзбекистонда цирк чипталари баҳоси бошқа мамлакатларга қараганда анча арзон: - Ҳайвонлар иштирокидаги цирклар томоша кўрсатганда чипталар бироз қимматлашади. Чунки ҳайвонларни боқиш катта харажат талаб этади.

Ҳожи дорбоз бошлаган юз йиллик томоша Илк цирк томошалари 1914 йилда Самарқанд ва Тошкентда кўрсатилгани айтилсада, турғун цирк томошасининг илк тақдимоти 1916 йилда бўлгани айтилади. 1942 йилда Иккинчи жаҳон уруши давом этаётган бир пайтда собиқ СССРда биринчи бўлиб Тошкентда миллий цирк жамоаси тузилган. Бу цирк томошалари Тошкентбой Эгамбердиев труппаси асосида тузилган. 1866 йилнинг 3 мартида Андижоннинг Асака туманида туғилган Тошкентбой Эгамбердиев ўспирин пайтида отасига эргашиб, Ҳажга борган ва Мадина шаҳрида дорбозларга шогирд тушган. Шу боис, у халқ орасида Ҳожи дорбоз деб ном чиқарган. Ҳожи дорбоз арқон ўрнига сим тортгани учун симбоз, деган исмга ҳам нойил бўлган. Тошкентбой Эгамбердиев 1908 йилда Туркистон ўлкасининг энг машҳур дорбозига айланиб олтин медал билан тадирланди. 1909 йилда Бухоро амирининг ўзи унга зарбоф чопон ëпиб, олтин тангалар билан сийлагани айтилади. 1916 йилда Тошкентбой Эгамбердиев ўзининг Қодиржон¸ Шокиржон ва Обиджон исмли ўғиллари билан Ўзбекистон бўйлаб мунтазам томошалар бера бошлайди. 1935 йилда санъаткор Ленинград циркига таклиф қилинади. 1937 йилда Тошкентбой Эгамбердиевга Ўзбекистонда хизмат кўрсатган артист унвони берилади. То саксон ëшга киргунича Тошкентбой Эгамбердиев дордан тушмайди. 1956 йилгача Тошкент циркига раҳбарлик қилади. Ҳожи дорбоз сифатида танилган санъаткор 1963 йили 97 ëшида оламдан ўтади. Асакадаги истироҳат боғига Тошкентбой Эгамбердиев номи берилган.

 Қадрли мухлислар,  сиз  ўзингизнинг дастурингиз бўлган “Биз ва тингловчи”  рукни остидаги ҳафталик эшиттиришининг янги сонини тинглаяпсиз.

 Эслатиб ўтамиз,  сиз ушбу эшиттиришлар орқали фикр- мулоҳаза ҳамда таклиф ва танқидларингизни  радиомизнинг интернет сайти  ParsToday.com / uz ва  электрон манзилимиз uzbek@ ParsToday.com  ҳамда мобайл апликешн орқали   бизга юборишингиз мумкин.

Биз билан ушбу телефон рақами  орқали ҳам боғланишингиз  мумкин:+98939736 25 45 Машҳад шаҳри,

Қўнғироқларингизни кутиб қоламиз.

Эшиттиришимиз давом этади.

Ўтган ҳафтадан бошлаб  Эрон Ислом Жумҳуриятининг муқаддас Машҳад  шаҳрида Ўзбекистондан келган  циркчилар украиналик касбдошлари билан томошалар кўрсатишмоқда. Бу борада ҳамкоримиз Аҳмаджон Сулаймонийнинг тайёрлаган репортажини эътиборингизга ҳавола этамиз.

Ҳамкоримиз Аҳмаджон Сулаймоновнинг тайёрлаган репортажи эди.

Қадрли   мухлислар, "Биз ва тингловчи" рукни остидаги туркум эшиттириш билан ҳамкорликни янада фаоллаштирасиз деган умиддамиз. Бундан кейин ҳам  Эрон радиоси орқали эфирга узатилаётган эшиттиришлар борасида қимматли маслаҳатларингизни бизга дариғ тутманг.  Мен эса сизлар билан хайрлашаман. Омон бўлинг