Neuralink муҳандислари ва Woke Studios дизайнерлик компанияси нейрочипни ўрнатишга мўлжалланган жарроҳ-роботни тақдим этди
Neuralink муҳандислари Woke Studios дизайнерлик компанияси билан ҳамкорликда нейрочипни ўрнатишга мўлжалланган жарроҳ-роботни тақдим этди. Қурилма футуристик кўринишга эга. Робот мия ва томирларга зарар етказмаган ҳолда чипни ўрната олади, деб хабар беради Business Insider.
Робот оқ рангда яратилган бўлиб, унинг ҳаракатланувчи қисмларгина қора рангда ишланган. Аппарат бешта ўқ бўйлаб ҳаракатлана олади. Унга камера ва датчиклар ўрнатилган.
Жарроҳ-роботнинг баландлиги, тахминан, икки метрни ташкил этади. Унинг асосида ультракучли компьютер жойлашган бўлиб, қурилмани бошқаради.
Эслатиб ўтамиз, шу йилнинг 28 август куни ихтирочи-миллиардер Илон Маск миясига чип ўрнатилган чўчқани намойиш этганди. Таъкидланишича, Маскнинг Neuralink компанияси томонидан яратилган чип неврологик касалликларни даволаш имконини беради.
Илон Маск регуляторлардан 2020 йилда имплантни инсон миясига ўрнатиш бўйича рухсат олиш ниятида.
