Լարված իրավիճակ. ցուցարարները շրջափակել են հյուրանոցը, որտեղ է նաև ՀՀ ԱԺ պատվիրակությունը
Այսօր Թբիլիսիում պետք է շարունակվեր Ուղղափառության միջխորհրդարանական վեհաժողովի նիստը, սակայն վրացի մի խումբ պատգամավորներ խաթարել են նիստի աշխատանքը՝ իրենց բողոքն արտահայտելով այն հանգամանքին, որ դրան ներկա է նաև Ռուսաստանի պատվիրակությունը:
Հայաստանի պատվիրակությունը լքել է նիստերի դահլիճը: Ինչպես պարզաբանեց ՀՀ ԱԺ փոխնախագահ Ալեն Սիմոնյանը՝ տարաբնույթ շահարկումներից զերծ մնալու համար, քանի որ երկու կողմում էլ Հայաստանի բարեկամ և դաշնակից պետություններ են:
Այս րոպեներին վրացի ցուցարարները շրջափակել են հյուրանոցի մուտքը, որտեղ հանգրվանել են Ուղղափառության վեհաժողովի անդամ 23 երկրների պատվիրակությունները։ Ինչպես Թբիլիսիից հայտնում է պատվիրակության անդամ, ԱԺ ԲՀԿ խմբակցության պատգամավոր Իվետա Տոնոյանը, պահանջը մեկն է՝ դադարեցնել ՌԴ պատվիրակների մասնակցությունը։
Verelq.am