ԱՄՆ Հետաքննությունների դաշնային բյուրոն հետաքրքրված է Երեւանում գրասենյակ ունենալու հարցում. «Փաստինֆո»
«Փաստինֆո»-ի տեղեկություններով՝ ԱՄՆ Հետաքննության դաշնային բյուրոն (FBI) հետաքրքրված է Երեւանում գրասենյակ ունենալու հարցում։
«Ինչպես ավելի վաղ տեղեկացրել ենք, դեռեւս օգոստոսին Երեւան էր ժամանել ԱՄՆ Հետաքննության դաշնային բյուրոյի (FBI) գործակալը՝ ազգությամբ հայ է, Կալիֆոռնիայից։
Նա Երեւանում գտնվել է մոտ երեք ամիս եւ ԱՄՆ վերադարձել միայն օրեր առաջ։ Մեր տեղեկություններով՝ անցած երեք ամիսներին ՀԴԲ-ի ներկայացուցիչը հանդիպումներ ունեցել Հայաստանի իրավապահ մարմիններում, հաստատել կոնտակտներ։
ՀԴԲ-ն տարածաշրջանում ունի ներկայացուցչություն, որի գրասենյակը գտնվում է Թբիլիսիում, սակայն չի բացառվում Երեւանում առանձին գրասենյակ ունենալու տարբերակը՝ համագործակցությունն առավել արդյունավետ դարձնելու համար եւ գործակալն այստեղ ստեղծել է համագործակցության մեխանիզմներ, որոնք կարող են օգտակար լինել նոր գրասենյակի համար»,– հայտնում է կայքը։
news.am
