Ռուսական գազը Հայաստան կտեղափոխվի Ադրբեջանի տարածքով
Ռուսաստանը հայտարարել է, որ կարճ ժամանակով, ռուսական գազը Հայաստան կտեղափոխվի Ադրբեջանի տարածքով:
ԻՌՆԱ լրատվական գործակալության փոխանցմամբ՝ Ռուսաստանի պետական «Գազպրոմ» ընկերությունը հայտարարել է, որ դեպի հայաստան փոխանցվող ռուսական գազը ժամանակավորապես անցնելու է Ադրբեջանի տարածքով ՝ «Հյուսիսային Կովկաս - Անդրկովկաս» գազատարի վերանորոգման աշխատանքների պատճառով:
Ռուսական ընկերությունը կարճաժամկետ պայմանագիր է կնքել Ադրբեջանի պետական նավթային ընկերության հետ՝ այդ երկրի տարածքով Հայաստան գազ տեղափոխելու վերաբերյալ:
«Գազպրոմը» նշել է, որ համաձայն պայմանավորվածության, «Հյուսիսային Կովկաս - Անդրկովկաս» գազատարի ռուսական հատվածում վերանորոգման ընթացքում գազը հայ սպառողներին կմատակարարվի Ադրբեջանի միջոցով:
Գազատարի վերանորոգման ավարտից հետո, որը կտևի երեք շաբաթ, գազի փոխանցումը կշարունակվի Ռուսաստան-Վրաստան գազատարով:
