ՀՀ նախագահի աշխատակազմը հայտարարություն է տարածել վերջին շրջանում հնչող մեկնաբանությունների վերաբերյալ
ՀՀ նախագահ Արմեն Սարգսյանի աշխատակազմը հայտարարություն է տարածել վերջին օրերին տարբեր անձանց կողմից հնչող մեկնաբանությունների վերաբերյալ: Նախագահի աշխատակազմի հայտարարության մեջ, մասնավորապես, նշվում է.
«Վերջին օրերին տարբեր անհատների, քաղաքական գործիչների, քաղաքագետների, ներկա կամ նախկին պատգամավորների, վերլուծաբանների և «կանխատեսողների» կողմից հնչում են տարբեր մտքեր, պնդումներ և համոզմունքներ, ներկայացվում են տարբեր մտացածին պատմություններ ու պատումներ:
Հանրապետության նախագահի աշխատակազմը չի պատրաստվում մեկնաբանել դավադրության տեսությունների և քաղաքական առասպելաբանության այդ դրսևորումները»:
ՀՀ նախագահի աշխատակազմն ընդգծում է` նախագահ Արմեն Սարգսյանի մտահոգությունները վերաբերել և վերաբերում են պետության առջև ծառացած իրական խնդիրներին ու մարտահրավերներին, որոնց դիմակայելն ու լուծման ճանապարհներ գտնելն այսօրվա և բոլորի գերխնդիրն է:
yerevanlur.am
