ԱՄՆ-ն դրամաշնորհ կտրամադրի Անդրկովկասում «երիտասարդ առաջնորդներ» պատրաստելու համար
ԱՄՆ-ն պատրաստ է 585 հազար դոլար հատկացնել Հայաստանի, Ադրբեջանի և Վրաստանի ուսումնական հաստատությունների մինչև 24 տարեկան 60 ուսանողների և շրջանավարտների պատրաստման ծրագրի համար: Տեղեկությունը հայտնում է RT-ն։
Ուսուցման ուղղություններից մեկը կլինի «առաջնորդության որակների զարգացումը»:
Մրցութային կարգով ընտրված երիտասարդները կմեկնեն ԱՄՆ, որտեղ ուսուցում կանցնեն մի շարք ուղղություններով` ձեռներեցություն, բանակցությունների անցկացում, հակամարտությունների կարգավորում, հասարակական աշխատանք և այլն։
«Առաջնորդական որակների զարգացմանը, սոցիալական ձեռնարկատիրությանն ու հասարակության կյանքում մարդկանց ներգրավմանն ուղղված դասընթացները կարող են դառնալ երիտասարդական միջավայրում երկխոսության արդյունավետ կատալիզատոր»,– ասված է հաղորդագրությունում։
Ենթադրվում է, որ երիտասարդները հայրենիք վերադառնալուց հետո կսկսեն հասարակական նախագծեր իրականացնել դրամաշնորհ ստացած կազմակերպության ակտիվ ուղղորդմամբ:
Նախաձեռնությունը կղեկավարի Ադրբեջանում ԱՄՆ դեսպանատունը։
armeniasputnik.am
