Երևանի Կապույտ մզկիթում տեղի կունենա ԻԻՀ հիմնադիր իմամ Խոմեյնու հիշատակին նվիրված միջոցառում

Հունիսի 1-ին, ժամը 18։00-ին, Երևանի Կապույտ մզկիթում տեղի կունենա ԻԻՀ հիմնադիր իմամ Խոմեյնու հիշատակին նվիրված միջոցառում։

Հայաստանում Իրանի դեսպանության մշակույթի կենտրոնն իմամ Խոմեյնու գաղափարներով հետաքրքված բոլոր անձանց հրավիրում է ներկա գտնվել միջոցառմանը։ 

«Վերանայելով հեղափոխության իմամների մտքերը» խորագրով միջոցռաման ընթացքում  կներկայացվեն «Գիտական և մշակութային դիվանագիտությունը ներկա դարաշրջանում» թեմայով հոդվածներ և դասախոսություններ։

Իմամ Խոմեյնին գլխավորեց Փահլավի ռեժիմը տապալելուն ուղղված շարժումը, որը հաղթեց 1979թ և որից հետո կայացած հանրաքվեի արդյունքներով, հիմնադրվեց Իրանի Իսլամական Հանրապետությունը։ 

Իմամ Խոմեյնին մահացել է 1989 թվականի հունիսի 3-ին, 86 տարեկան հասակում, Թեհրանում։