ՄԽ համանախագահները բազմիցս հիշատակել են ԼՂ Ի` բանակցային սեղանի շուրջ վերադառնալու անհրաժեշտությունը
Լեռնային Ղարաբաղի ներկայացուցիչները պետք է մասնակցեն բանակցություններին պայմանավորվածությունների հաստատման ու ղարաբաղյան հիմնախնդրի կարգավորման գործընթացներում:
Այս մասին բազմիցս հիշատակել են Մինսկի խմբի եռանախագահները, մասնավորապես վերջերս ՌԴ արտգործնախարարը: Այս մասին հայտարարեց ՀՀ արտաքին գործերի նախարար Էդվարդ Նալբանդյանը «Արմենպրես»-ի հարցին ի պատասխան` ինչպիսի մոտեցում ունեն միջնորդները Ղարաբաղի ` բանակցային սեղանի շուրջ վերադառնալու հարցին և արդյոք հնարավոր չէ մասնակցության հարցը սուր դնել` Ադրբեջանի ապակառուցողական քաղաքականության շարունակման պարագայում:
«Երբ ասում եք Ադրբեջանը շարունակի ապակառուցողական կեցվածքը, արդյոք, հնարավոր կլինի՞ Ղարաբաղին ներգարվել բանակցություններում, հարց է առաջանում` ո՞ւմ հետ: Ղարաբաղը պետք է բանակցի Ադրբեջանի հետ, եթե այն շարունակի ապակառուցողական մոտենալ բանակցային գործընթացին, դժվար կլինի բանակցային գործընթացը առաջ մղել»,-հավելեց ԱԳ նախարարը:
Նա նկատեց, որ բանակցությունների ընթացքում շեշտվում է, որ ԼՂ-ն պետք է ներկայացված լինի ոչ միայն վերջնական պայմանագրի փուլում, այլև հիմնախնդրի կարգավորման տարբեր փուլերում:
