Թբիլիսիում մեկնարկել է Վրաստանի, Հայաստանի և Ադրբեջանի փոխարտգործնախարարների հանդիպումը

Թբիլիսիում մեկնարկել է Վրաստանի, Հայաստանի և Ադրբեջանի փոխարտգործնախարարների հանդիպումը։

Վրացական կողմը բանակցություններին ներկայացնում է ԱԳ նախարարի առաջին տեղակալ Լաշա Դարսալիան, Ադրբեջանը՝ Էլնուր Մամեդովը, Հայաստանը՝ Վահան Կոստանյանը։

Ինչպես հաղորդում է «Իմեդի» հեռուստաալիքը, միջոցառումը բացել է Վրաստանի ԱԳՆ ղեկավար Մակա Բոչորիշվիլին։

Եռակողմ հանդիպման մեկնարկից առաջ Վրաստանի փոխնախարար Լաշա Դարսալիան նշել է, որ կողմերը կքննարկեն եռակողմ համագործակցության հնարավորությունները, ուղղությունները, որոնք կարող են հետաքրքրել բոլոր երկրներին։

Նրա խոսքով` հանդիպման նպատակն է մի շարք հարցերի շուրջ տարածաշրջանի երկրների ընդհանուր մոտեցումներ մշակելը։

Հիշեցնենք, որ Արցախյան 44-օրյա պատերազմից սկսած Վրաստանը բազմիցս միջնորդական ջանքեր է առաջարկել Հայաստանին և Ադրբեջանին։

Նախորդ անգամ Բոչորիշվիլին նման առաջարկ է արել 2025 թվականի հունվարին Երևան կատարած այցի ժամանակ։

2022 թվականին Թբիլիսիում հանդիպել են նաև Հայաստանի և Ադրբեջանի արտգործնախարարներ Արարատ Միրզոյանն ու Ջեյհուն Բայրամովը։

arm.sputniknews