Եգիպտոսի խորհրդարանում կքննարկվի Հայոց ցեղասպանության վերաբերյալ օրինագիծ

Եգիպտոսի հայերի ազգային կոմիտեի ղեկավարն ասել է.-«Եգիպտոսի խորհրդարանը կքննարկի Հայոց ցեղասպանության դատապարտման վերաբերյալ ներկայացված օրինագիծը»:

Իրանի ռադիո-հեռուստատեսության լրատվական ծառայության հաղորդման համաձայն՝ Եգիպտոսի խորհրդարանի պատգամավոր Մուստաֆա Բեքրին,  անդրադառնալով այդ երկրի խորհրդարանի պատգամավորների դիրքորոշմանը Հայոց ցեղասպանության հարցի շուրջ, ընդգծել է.-«Պատգամավորները պատրաստվում են Հայոց ցեղասպանությունը դատապարտող օրիանագիծ ներկայացնել խորհրդարան»:

Բեքրին ընդգծել է.-«Հայոց ցեղասպանության հարցը Թուրքիայի պատմության սև էջերից է, և բոլոր երկրները պետք է դատապարտեն այդ անմարդկային ոճրագործությունը»:

Ռուսաստանը և եվրոպական որոշ երկրներ պաշտոնապես ճանաչել են Հայոց ցեղասպանությունը: