ԵԽԽՎ համազեկուցողները Հայաստան կայցելեն

Եվրոպայի խորհրդի խորհրդարանական վեհաժողովի՝ մշտադիտարկման հարցերով համազեկուցողներ Ջուզեպպե Գալատին ու Ալան Միլը նոյեմբերի 22-ից 23-ը Երևան կայցելեն։

Քննարկումների կենտրոնում են լինելու ընտրական բարեփոխումը, 2017-ի խորհրդարանական ընտրությունները, սահմանադրական բարեփոխման իրականացումը, այդ թվում կառավարության ու դատական համակարգի բարեփոխումները, նաև ոստիկանության բարեփոխումն ու ոստիկանության գործողությունների վերաբերյալ գանգատների քննման անկախ մեխանիզմներ ստեղծելը։

Երևանում համազեկուցողները կհանդիպեն նախագահի, վարչապետի, ԱԺ խոսնակի, նաև արդարադատության նախարարի հետ։ Նաև ծրագրված են հանդիպումներ ԵԽԽՎ-ում հայկական պատվիրակության, դատական մարմինների ներկայացուցիչների և ոստիկանապետի հետ։

News.am