Ադրբեջանի ԱԳ նախարարը քննադատեց Հայաստանին
Ադրբեջանի ԱԳ նախարար Էլմար Մամեդյարովը Հայաստանին քննադատեց այն բանի համար, որ մինչ այս պահը ԵԱՀԿ-ի անդամ երկրների ԱԳ նախարարների նստաշրջանին առընթեր ԼՂ-ի հարցով նիստին մասնակցելու պատրաստակամություն չի հայտնել:
Համաձայն «Էխո» ինտերնետային կայքի հաղորդման՝ Էլմար Մամեդյարովն, ընդգծելով, որ ԼՂ-ի հակամարտության կարգավորման ուղղությամբ Հայաստանի իշխանությունների դիրքորոշումը ձևական բնույթ է կրում, ասել է, որ ԼՂ-ի ճգնաժամի կարգավորումը պահանջում է կողմերի վճռականությունը:
Մինսկի խմբի համանախագահները ԵԱՀԿ նախարարական խորհրդի նստաշրջանին առընթեր Հայաստանի և Ադրբեջանի ԱԳ նախարարների նիստ գումարելու առաջարկ են ներկայացրել, ինչին իր համաձայնությունն է հայտնել ադրբեջանական կողմը:
Հայկական կողմի համաձայնության մասին որևէ հայտարարություն չկա:
ԵԱՀԿ նախարարական խորհրդի ոչ-պաշտոնական նիստը դեկտեմբերի 8-ին և 9-ին աշխարհի 40 երկրների ներկայությամբ գումարվելու է Համբուրգում:
