Եթե Ադրբեջանը պատերազմ սկսի, Հայաստանը Լեռնային Ղարաբաղը կճանաչի. ԱԳ նախարար

Լեռնային Ղարաբաղում պատերազմ սկսելու Ադրբեջանի ցանկացած փորձ խիստ եւ համարժեք պատասխան կստանա:

Այս մասին սեպտեմբերի 18-ին Հայաստան-Սփյուռք համաժողովի շրջանակում «Հրատապ արտաքին քաղաքական մարտահրավերներ եւ Հայաստան-Սփյուռք համագործակցություն» հարթակում  հայտարարեց ԱԳ նախարար Էդվարդ Նալբանդյանը՝ ի պատասխան սփյուռքի ներկայացուցիչներից մեկի հարցին:

Նրա խոսքով՝ եթե պատերազմ ծագի եւ այն անմիջապես դադարեցնելն անհնար լինի, Հայաստանը կճանաչի Լեռնային Ղարաբաղի անկախությունը: «Սակայն հարցն այն է, որ բանակցություններ են ընթանում, եւ մենք ցանկանում ենք միջազգային հանրության հետ այս հարցը կարգավորել  խաղաղ ճանապարհով: Այսինքն՝ մենք բանակցությունները կշարունակենք այնքան, որքան դա հնարավոր է, քանի որ պատերազմը լուծում չէ: Եթե Ադրբեջանի կողմից փորձ լինի, 2016-ի ապրիլի փորձի նման, ավելի խիստ եւ համարժեք պատասխան կստանա»,- շեշետեց Էդվարդ Նալբանդյանը:

News.am