Մյունխենում հանդիպել են Իրանի և Հայաստանի ԱԳ նախարարները
Փետրվարի 18-ին Գերմանիայի Մյունխեն քաղաքում անցկացվող անվտանգության կոնֆերանսի շրջանակում Իրանի արտաքին գործերի նախարար Մոհամմադ Ջավադ Զարիֆը հանդիպել է Հայաստանի արտաքին գործերի նախարար Էդվարդ Նալբանդյանի հետ: Նախարարները մտքեր են փոխանակել երկկողմ հարաբերությունների և տարածաշրջանային ու միջազգային մի շարք հրատապ խնդիրների շուրջ:
Իրանի և Հայաստանի արտաքին քաղաքական գերատեսչությունների ղեկավարները քննարկել են միջազգային հարթակներում փոխգործակցության հարցեր:
Իրանի ԱԳ նախարարը նաև հանդիպել ու բանակցել է Վրաստանի ԱԳ նախարար Միխայիլ Ջանելիձեի հետ:
Իրանի ԱԳ նախարարը Մյունխենի անվտանգության 54-րդ կոնֆերանսին մասնակցելու նպատակով կիրակի առավոտյան ժամանել է Գերմանիայի հարավում գտնվող Մյունխեն քաղաք:
Թեհրանի ժամանակով այսօր կեսօրից հետո Զարիֆը Մյունխենյան համաժողովում հանդես է գալու ելույթով և ԻԻՀ տեսակետներն է հայտնելու տարածաշրջանային ու միջազգային անվտանգության հետ կապված կարևորագույն հարցերի վերաբերյալ:
Մյունխենի անվտանգության 54-րդ կոնֆերանսը մեկնարկել է փետրվարի 16-ին, իսկ փետրվարի 18-ին կավարտի իր աշխատանքը:
