Տասնյակ վիրավորներ Իրանի արևմուտքը ցնցած երկրաշարժի հետևանքով
Իրանի արևմտյան Քերմանշահ նահանգի Գիլանղարբի մերձակայքը ցնցած ռիխտերի սանդղակում 5,9 բալ ուժգնությամբ երկրաշարժի հետևանքով վիրավորվել է 75 մարդ:
Համաձայն «Թասնիմ» լրատվական գործակալության հաղորդման համաձայն, կիրակի երեկոյան Քերմանշահ նահանգի Գիլանղարբի մերձակայքը ցնցած երկրաշարժի էպիկենտրոնը գտնվում է 10կմ խորության մեջ:
Քերմանշահի Բժշկագիտական համալսարանաի բուժման հարցերով տեղակալ Բահման Ռոշանին ասել է. «Տուժածների մեծ մասը վիրավորվել է փակ տարածքից փախուստի պահին»:
Ռոշանին անդրադառնալով Քերմանշահ նահանգի բոլոր հիվանդանոցների ու բուժկենտրոնների պատրաստ դրությանը հավելել է, որ փրկարարները երկրաշարժի վայր են հասել ամենակարճ ժամկետում:
Երկրաշարժը զգացվել է նաև Իրաքի Բաղդադ, Դիալե, Քյարբալա, Նաջաֆ, Վասեթ նահանգներում և հյուսիսային ու քրդաբնակ քաղաքներում, այդ թվում՝ Սուլեյմանիեում:
Վերջին մեկ տարվա ընթացքում մի քանի երկրաշարժներ ցնցել են Իրանի Քերմանշահ նահանգի տարբեր տարածքները:
2017 թվականի նոյեմբերի 12-ին գրանցված ռիխտերի սանդղակով 7,3 բալ ուժգնությամբ երկրաշարժի հետևանքով զոհվեց 620 և վիրավորվեց ավելի քան 12 հազար մարդ:
Այդ երկրաշարժը վնաս պատճառեց Քերմանշահ նահանգի 10 քաղաքների և 1930 գյուղերի:
