Ճապոնիան վերսկսեց Իրանից նավթի գնումը
ԻԻՀ Կենտրոնական բանկի գլխավոր տնօրենն ասել է. «Չինաստանից, Հարավային Կորեայից, Հնդկաստանից ու Թուրքիայից հետո, Ճապոնիան նույնպես վերսկսեց Իրանից նավթի գնումը:
ԻՌՆԱ-ի հաղորդման համաձայն, Աբդոլնասեր Հեմաթին կիրակի օրն իր «Ինսթագրամ»-ի էջում այս մասին հայտարարելով գրել է. «Արտասահմանյան բանկերի մոտ պահվող և Իրանի առևտրի համար հզոր ու վստահելի հենարան համարվող տասնյակ միլիարդ դոլարի հասնող ակտիվ աղբյուրների կողքին, նավթային նոր եկամուտները հետզհետե առևտրական պրոցեսի մեջ են մտնում»:
ԱՄՆ նախագահ Դոնալդ Թրամփը, մայիսի 8-ին ոտնահարելով ՀԳՀԾ-ի շրջանակներում Վաշինգտոնի ստանձնած պարտավորությունները, հայտարարեց ՀԳՀԾ-ից ԱՄՆ-ի հրաժարման և միջուկային պատժամիջոցների վերականգնման մասին:
ԱՄՆ վարչակազմը ՀԳՀԾ-ն լքելուց հետո ընդգծեց, որ մտադիր է զրոյացնել Իրանի նավթի արտահանումը:
Այդուհանդերձ Վաշինգտոնը վեց ամիս շարունակ Իրանի նավթի արտահանման կապակցությամբ սպառնալիքներ հնչեցնելուց հետո, ի վերջո նոյեմբերի 5-ին Իրանից նավթ գնող 8 խոշոր երկրներ՝ Հարավային Կորեային, Իտալիային, Ճապոնիային, Հնդկաստանին, Չինաստանին, Թուրքիային, Թայվանին ու Հունաստանին բացառեց Իրանի դեմ նավթային բոյկոտներից:
