Իրանի կառավարության խոսնակ.«Բրիտանական նավթային լցանավի կալանավորումն օրինական էր»
Իրանի հարավում գտնվող Հորմոզի նեղուցում բրիտանական նավթային լցանավի վերաբերյալ Իրանի կառավարության խոսնակն ասել է.«Իրանը տարածարջանի շրջակա միջավայրի և Հորմոզի նեղուցի անվտանգության նկատառումներից ելնելով է կալանավորել Բրիտանական նավթային լցանավը»:
Իրանի իսլամական հեղափոխության Պահապանների կորպուսի ծովուժը հուլիսի 19-ին Իրանի հարավային Հորմոզգան նահանգի նավահանգիստների և ծովագնացության կազմակերպության պահանջով կալանավորել էր բրիտանական Stena lmpero նավթային լցանավը՝ միջազգային ծովագնացության օրենքները խախտելու, իր տեղորոշման համակարգն անջատելու և նավթային թափոններից ազատվելու պատճառով:
Ալի Ռաբիին երկուշաբթի օրը Թեհրանում լրագրողների հետ շաբաթական մամլո ասուլիսում նշել է.«Բրիտանական նավթային լցանավը անջատելով իր գլոբալ տեղորոշման համակարգը (GPS) և մտնելով Հորմոզի նեղուց և ուշադրություն չդարձնելով զգուշացումներին, հանդիպել է Հորմոզի նեղուցի և շրջակա միջավայրի անվտանգության նկատառումների շրջանակում արված Իրանի քայլին»:
Նշելով, որ բրիտանացիները չպետք է ակնկալեն, որ Իրանը կանտեսի իր ջրային տարածքների անվտանգության երաշխիքը, Իրանի կառավարության խոսնակը հստակեցրել է.«Իրանի արածը բոլորովին պատասխան քայլ չի եղել, այլ արվել է օրենքի շրջանակում»:
