ԻԻՀ նավթի նախարար. Իրանի դերը աշխարհի էներգիայի ապահովման գործում անհերքելի է
Իրանի նավթի նախարարն ասել է, որ Իրանի Իսլամական հանրապետության դերը աշխարհի էներգիայի մատակարարման գործում անվիճելի է:
Չորեքշաբթի օրը , Իրանի նավթի նախարար Բիժան Նամդար Զանգանեն Ռուսաստանում անցկացվող «Առաջնորդությունը աշխարհի էներգետիկ զամբյուղում և գազի արդյունաբերության գերակայություններում» թեմայով հատուկ նիստում նշել է, որ կանխատեսումների համաձայն, շրջակա միջավայրի պայմաններից ելնելով, մինչև 2040 թ. բնական գազը տարեկան 1.5 տոկոս աճով կբավարարի աշխարհի էներգիայի պահանջարկի մեկ քառորդ: Նա հստակեցրել է.«Այս պահանջարկի բավարարման համար, անհրաժեշտ է գլոբալ համագործակցություն տարբեր ոլորտներում, ներառյալ ներդրումների, տեխնոլոգիաների փոխանցման և բիզնես ենթակառուցվածքների զարգացման»:
Իրանի նավթի նախարարն անդրադառնալով բնական գազի կարողությունների ձեռքբերման և միջազգային համագործակցության իրագործման կարևորությունն ասել է.«Անկախ երկրները մերժում են ԱՄՆ-ի կողմից Իրանի դեմ սահմանված նավթային միակողմանի պատժամիջոցները»:
Զանգանեն ընդգծել է, որ ԱՄՆ-ի կողմից Իրանի դեմ սահմանված պատժամիջոցները տնտեսական ահաբեկչություն են և խախտում են միջազգային իրավունքը: Նա հավելել է.«Էներգետիկ ոլորտի քաղաքականցումը և քաղաքական միջամտությունները պետք է փոխարինվեն տնտեսական տրամաբանությամբ, բազմակողմանիությամբ, մասնակցությամբ և համագործակցությամբ»:
