Սալեհի.«Իրանը պատրաստ է պաշտպանել իր անվտանգությունը»
Իրանի ատոմային էներգիայի կազմակերպության ղեկավարը Վիեննայում միջուկային անվտանգության համաժողովում ասել է.«Իրանի իսլամական հանրապետությունը միշտ պատրաստ է պաշտպանել սեփական անվտանգությունը»:
Իրանի ատոմային էներգիայի կազմակերպության ղեկավար Ալի Աքբար Սալեհին այսօր այդ համաժողովում նշել է.«Համատեղ գործողությունների համապարփակ ծրագրի պահպանումը կապահովի միջուկային անվտանգությունը»:
Նա խոսել է նաև ՀԳՀԾ-ի պահպանման հարցում որպես միջուկային համաձայնագրի գլխավոր կողմերից մեկը համարվող Եվրոպայի պատասխանատվության և ԱՄՆ-ի միակողմանի ու բռնի քաղաքականություններին դիմակայելու մասին:
Սալեհիի խոսքով՝ ԱՄՆ-ի կառավարությունը ներկա պայմանների գլխավոր մեղավորն է:
Նա դատապարտել է ԱՄՆ-ի իշխող ռեժիմի անտրամաբանական ու անպատասխանատու վերաբերմունքը Պաղեստինի օկուպացված տարածքների նկատմամբ:
Սալեհին միջազգային ասպարեզում Վաշինգտոնի վարքագիծը ահաբեկչական է բնութագրել: Անդրադառնալով Իսլամական հեղափոխության պահապանների կորպուսի Ղոդս ստորաբաժանման նահատակ հրամանատար գեներալ Ղասեմ Սուլեյմանիի սպանությանը, Իրանի ատոմային էներգիայի կազմակերպության ղեկավարն ընդգծել է ,որ Իրանը լուրջ է տրամադրված ցանկացած ագրեսիային համարժեք պատասխան տալու հարցում: