Իրանական հինգերորդ նավթային տանկերը այսօր մուտք է գործել Վենեսուելա

Իրանական հինգ տանկերներից բաղկացած նավատորմի վերջին նավը՝ Clavell-ը, որն Իրանի Շահիդ Ռաջայի նավահանգստում նավթամթերքով բեռնավորվել և ուղևորվել էր դեպի Վենեսուելա , կիրակի օրը մուտք է գործել Վենեսուելայի ջրեր:

Ինչպես հաղորդում է  Իրան Պրես լրատվական գործակալությունը,անցած  օրերի ընթացքում, իրանական   Fortune, Forest, Faxon և Petunia  չորս նավթային տանկերները  Վենեսուելայի տարբեր նավահանգիստներում բեռնաթափվել են:

Ստացված հաղորդումների համաձայն՝ Վենեսուելա տեղափոխված բենզինը մատակարարվել է այդ երկրի տարբեր քաղաքաներում գտնվող վառելիքի բաշխման  կենտրոններին, որոշ չափով լուծելով  երկրում տիրող վառելիքի ճգնաժամը:

Հատկանշական է, որ ԱՄՆ-ն սպառնացել էր, որ Իրանին թույլ չի տա  վառելիք ուղարկել Վենեսուելա: Վաշինգտոնը պատժամիջոցներ է  սահմանել Իրանի և Վենեսուելայի նկատմամբ: