Իրաքի կառավարությունը դեմ է արտահայտվել ամերիկյան զինվորականների ներկայության երկարաձգմանը

Իրաքի կառավարությունը չի ընդունել ԱՄՆ-ի գլխավորած միջազգային կոալիցիայի ուժերի ներկայությունը երկարաձգելու առաջարկը և ընդգծել է օտարերկրյա զինվորականներին երկրից դուրս բերելու ծրագրի իրականացման անհրաժեշտությունը։

Pars Today-ի հաղորդմամբ, վկայակոչելով Tasnim գործակալությանը, Իրաքի կառավարության խոսնակը հայտարարել է, որ բանակցությունները դիմադրության խմբավորումների հետ շարունակվում են, իսկ կոալիցիոն ուժերի դուրսբերման վերջնաժամկետ է սահմանվել սեպտեմբերի 30-ը։
Ավելի վաղ ևս Իրաքի պաշտոնյաներն ընդգծել էին ԱՄՆ-ի ռազմական ներկայությունն ավարտելու անհրաժեշտությունը։ Դիմադրության խմբավորումները նույնպես ամերիկյան ուժերի ներկայությունը համարում են Իրաքի ինքնիշխանության և անկախության խախտում։