Իրանը մարդասիրական օգնություն է ուղարկել Լիբանան
ԻԻՀ Կարմի մահիկի կազմակերպության մարդկասիրական առաջին բեռնվածքն ուղարկվել է Լիբանան:
Այդ մասին հայտարարել է Իրանի Կարմիր մահիկի կազմակերպության ղեկավար Քարիմ Հեմմաթին: Նա ասել է. «Բենռվածքը պարունակում է ավելի քան 15 տոննա դեղագործական իրեր և բժշկական սարքավորումներ, որոնք արժեն 150,000 ԱՄՆ դոլար և 55 տոննա տարբեր սննդամթերք ու դաշտային հիվանդանոց: Մենք Բեյրութ ենք գորևծուղել նաև 30 հոգանոց բժշկական խումբ»:
Նա հավելել է, որ անհրաժեշտության դեպքում, Իրանը պատրաստ է իր հիվանդանոցներում օգնություն ցուցաբերել վիրավորներին, հավելելով, որ առաջիկա օրերին անհրաժեշտության դեպքում, Իրանը կրկին պատրաստ է հումանիտար օգնություն տրամադրել Լիբանանին:
Ավելի վաղ, Լիբանանի կարմիր խաչի ղեկավար Ժորժ Քեթթանեն, Իրանի Կարմիր մահիկի կազմակերպության տնօրեին հետ հեռախոսազրույցում հայտարարել էր, որ Բեյրութն ունի Իրանի մարդասիրական օգնության կարիքը, որպեսզի կարողանա օգնություն ցուցաբերել պայթյունից տուժածներին:
