Ռոհանի. Արևմտյան երկրները պետք է դադարեցնեն միջամտությունը մուսուլմանների ներքին գործերին
ԻԻՀ նախագահը հայտարարել է. «Եթե Արևմուտքը, Եվրոպան և Ֆրանսիան ինչպես իրենք են հայտարարում իսկապես աշխարհում խաղաղություն, եղբայրություն ու անվտանգություն կողմնակից են, պետք է դադարեն միջամտել մուսուլմանների ներքին գործերին»:
Ընդգծելով, որ մարգարեին չհարգելն անբարոյական արարք է, որը խրախուսում է բռնությունը և վիրավորում միլիարդավոր մուսուլմանների ու ոչ մուսուլմանների զգացմունքները, Հասան Ռոհանին չորեքշաբթի օրը կայացած կառավարության նիստի ժամանակ կոչ է արել նրանց, ովքեր այս ուղղությամբ սխալներ են թույլ տվել, հնարավորինս շուտ շտկել այդ սխալը և վերադառնալ արդարության, բարոյականության և բոլոր երկնային կրոնների նկատմամբ հարգանքի ճանապարհ»:
Ռոհանին հավելել է. «Յուրաքանչյուր եվրոպացի և բոլոր նրանք, որ ապրում են Արևելքում ու Արևմուտքում, պարտական են իսլամի մարգարեն: Նա եղել է մարդկության ուսուցիչը, և զարմանալի է, որ այն երկրները, որ իրենց հռչակել են որչպես ազատության, մարդու իրավունքների և օրենքի պաշտպան, խրախուսում են մարդկանց վիրավորել միմյանց և նրանց, ում բոլոր մարդիկ սիրում են»:
Ռոհանին նշել է, որ բոլոր խնդիրները և դժգոհությունները, որոնք առաջացել են մարդկանց սրտերում, պատմության ընթացքում մուսուլմանների գործերին Արևմուտքի անտեղի միջամտության և ճնշումների պատճառով են, հավելելով. «Դրա վառ օրինակը Եմենի իրավիճակն է, երբ մի երկրի աղքատ բնակիչները ենթարկվում են արևմտյան երկրների կողմից ագրեսորներին տրամադրված ռումբերի և օդանավերի հարձակումներին»:
