Ռոհանու խորհուրդն Իրանի դեմ շրջափակումներ կիրառողներին. «Պատմության թանգարանին փոխանցել իրենց ձախողած քաղաքականությունը
ԻԻՀ նախագահը Իրանի դեմ շրջափակումներ կիրառողներին խորհուրդ է տվել պատմության թանգարանին փոխանցել իրենց սխալ ու ձախողած քաղաքականությունը:
Երեքշաբթի օրը, կառավարության տնտեսական համադրման շտաբի նիստում, նշելով, որ Իրանի տնտեսական կարողությունն ու հզորությունը երկու կարևոր ու վճռորոշ իրողություններ են, Հասան Ռոհանին ասել է.«Չնայած տնտեսական պատերազմը մեծ վնասներ է պատճառել ժողովրդի կենցաղին, սակայն այսօր Իրանին սպառնացողներն այն պայմաններում են հեռանում Սպիտակ Տնից, երբ Իրանի ժողովուրդը արժանապատվորեն հաղթել է տնտեսական անհավասար պատերազմում և ավելի է հզորացել:
Նշելով, որ Դոնալդ Թրամփի տնտեսական պատերազմի ու շրջափակումների դիմաց Իրանի ժողովրդի ցուցաբերած դիմադրությունը մեծ ճշմարտություններ բացահայտեց աշխարհի համար, Ռոհանին ասել է.«Թրամփը չճանաչեց ԻԻՀ կարողությունները և իր ենթադրությունների հիմամբ շարժվեց»:
«2.5 տարի շարունակ տնտեսական պատերազմից հետո Իրանի դեմ Սպիտակ Տան ձախողումը, միջազգային քաղաքականությունների ձախողման կողքին, ԱՄՆ-ի նախագահական ընտրություններում Թրամփի պարտության գլխավոր պատճառն են հանդիսանում»,-ասել է ԻԻՀ նախագահը:
