ԻԻՀ նախագահ. Բժիշկների նկատմամբ մարդկանց վստահությունը երկիրը փրկեց կորոնավիրուսի երրորդ ալիքից
Իրանի Իսլամական Հանրապետության Նախագահն անդրադառնալով կորոնավիրուսի երրորդ ալիքին և այն սարսափելի որակելով, ասել է. «Բժիշկների նկատմամբ մարդկանց վստահությունը երկիրը փրկեց կորոնավիրուսի երրորդ ալիքից»:
Շաբաթ օրը, կորոնավիրուսի դեմ պայքարի ազգային շտաբի նիստում, գնահատելով մարդկանց համագործակցությունը առողջապահական ցուցումներին հետևելու և կորոնավիրուսի նոր ալիքը զսպելու խիստ միջոցներին հետևելու հարցում Հասան Ռոհանին ասել է. «Բարեբախտաբար, ձեռնարկված միջոցառումների շնորհիվ, Իրանում կարմիր կարգավիճակ ունեցող քաղաք չկա»:
Իրանի նախագահն անդրադառնալով վերջին վեց ամիսների ընթացքում (20 մարտի-20 սեպտեմբերի) երկրի դրական տնտեսական աճին, հավելել է. «Մինչ շատ երկրներ կորոնավիրուսի պանդեմիայի հետևանքով բախվում էին տնտեսական խնդիրների, Իրանն այն եզակի երկրներից էր, որի տնտեսական աճը դրական էր»:
Իրանի նախագահը հայտարարել է, որ թշնամիները չեն ցանկանում հավատալ Իսլամական Հանրապետության հաջողություններին ու ինքնաբավությանը, հավելելով. «Տարեկան 2500 ՄՎտ ավելանում է երկրի էլեկտրաէներգիայի արտադրությանը և շուտով էլեկտրաէներգիայի արտադրությունը կհասնի 20,000 մեգավատի, իսկ գազի արդյունահանումը՝ մեկ միլիարդ խորանարդ մետրի»:
