Իրանն արձագանքել է Կուբայի ցույցերին ԱՄՆ-ի և Արևմուտքի միջամտությանը
Իրանի արտաքին գործերի նախարարության խոսնակը դատապարտել է ԱՄՆ-ի և Արևմուտքի միջամտությունը Կուբայում տեղի ունեցած բողոքի ցույցերին և կոչ արել անհապաղ դադարեցնել այդ երկրի դեմ ԱՄՆ-ի սահմանած միակողմանի պատժամիջոցները:
Երեքշաբթի օրը, Սաիդ Խաթիբզադեն դատապարտել է ԱՄՆ-ի և որոշ արևմտյան երկրների միջամտությունը Կուբայում անցկացվող վերջին ցույցերին՝ քննադատելով այդ երկրի ներքին գործերին ցանկացած միջամտություն և կոչ անելով անհապաղ դադարեցնել ԱՄՆ միակողմանի պատժամիջոցները մի շարք երկրների, այդ թվում՝ Կուբայի նկատմամբ:
Սաիդ Խաթիբզադեն հայտարարել է. «Իրանի Իսլամական Հանրապետությունը դատապարտում է ցանկացած միջամտություն այս երկրի ներքին գործերին և որպես ԱՄՆ-ի անօրինական պատժամիջոցների դիմակայող երկիր, իր համերաշխություն է հայտնում Կուբայի ժողովրդին և կառավարությանը, կոչ անելով անհապաղ դադարեցնել Կուբայի դեմ սահմանված ԱՄՆ-ի պատժամիջոցներն ու միակողմանի գործողությունները»:
Հազարավոր կուբացիներ, Հավանայից Սանտյագո, կիրակի օրը դուրս են եկել փողոցներ՝ բողոքելով կորոնավիրուսային սահմանափակումների, պատվաստումների արագության և կառավարության անուշադրության դեմ:
