Թեհրանում կանցկացվի Աֆղանստանի հարևանների ԱԳ նախարարների հերթական հանդիպումը
ՄԱԿ -ում Իրանի դեսպան և մշտական ներկայացուցիչը հայտարարել է, որ Աֆղանստանի հարևանների արտաքին գործերի նախարարների հանդիպման հաջորդ փուլը կանցկացվի Թեհրանում:
«Աֆղանստանը գտնվում է կրիտիկական ժամանակաշրջանում, և այս իրավիճակը առաջին հերթին այդ երկրում ԱՄՆ-ի և այլ օտարերկրյա ուժերի միջամտության և անպատասխանատու հեռանալու անմիջական արդյունքն է»,-ասել է ՄԱԿ-ում Իրանի դեսպան և մշտական ներկայացուցիչ Մաջիդ Թախթռավանչին:
Նա հավելել է. «Նրանք (ամերիկացիներն ու արևմտյան այլ երկրները) դժբախտություն բերեցին աֆղաններին, երբ մտան Աֆղանստան, իսկ հեռանալուց հետո աղետ թողեցին»:
Թախթռավանչին հավելել է. «Իրանը պատրաստ է իր նավահանգիստների, օդանավակայանների, երկաթուղիների, ճանապարհների և սահմանային անցումների միջոցով հեշտացնել մարդասիրական օգնության փոխանցումը Աֆղանստան»:
