Իրանցի ուսանողները բողոքի ցույց են անցկացրել Թեհրանում ՄԱԿ-ի գրասենյակի դիմաց
Հունվար 28, 2022 08:27 Asia/Tehran
Թեհրանի համալսարանի մի խումբ ուսանողներ բողոքի ցույց են անցկացրել ՄԱԿ-ի կենտրոնակայանի դիմաց՝ քննադատելով Եմենում ռազմական հանցագործությունների նկատմամաբ միջազգային հանրության լռությունը:
Հինգշաբթի օրը տեղի ունեցած ցույցին մասնակցել են նաև Իրանում բնակվող մի խումբ եմենցի ուսանողներ:
Ցույցի մասնակիցները վանկարկել են «Մահ Ամերիկային», «Մահ Ալե Սաուդին» և «Մահ Իսրայելին»՝ իրենց զայրույթն արտահայտելով Եմենում սաուդա-էմիրաթական կոալիցիայի իրականացրած հանցագործությունների դեմ։
Ուսանողներն իրենց ձեռքերում պահել են եմենցի ճնշված երեխաների նկարները, որոնք վիրավորվել կամ սպանվել են ավիահարվածների հետևանքով:
Անցյալ շաբաթ սաուդա-էմիրաթական կոալիցիան թիրախավորել էր Եմենի Սաադայում գտնվող մի բանտ, որի հետևանքով զոհվել էր առնվազն 80 մարդ, վիրավորվել՝ 260-ը։
Պիտակ
