Ռայիսի. Թշնամու դիմաց Թեհրանի և Կարակասի ռազմավարությունը դիմադրությունն է
Իրանի Իսլամական Հանրապետության նախագահն ասել է.«Թշնամու դիմաց Թեհրանի և Կարակասի ռազմավարությունը դիմադրությունն է»:
ԻԻՀ նախագահ Սեյեդ Էբրահիմ Ռայիսին շաբաթ օրը Թեհրանում Նիկոլաս Մադուրոյի հետ համատեղ ասուլիսում ասել է.-«Իրանի Իսլամական Հանրապետությունն արտաքին քաղաքականության ոլորտում միշտ ձգտել է հարաբերություններ ունենալ անկախ երկրների հետ, իսկ Վենեսուելան դիմակայել է թշնամիների և իմպերիալիզմի պատժամիջոցներին և ունեցել է օրինակելի դիմադրություն»։
Ռայիսին Թեհրանի և Կարակասի հարաբերություններն անվանել է ռազմավարական և հավելել. «Մեր եղբայրական հարաբերությունները կշարունակվեն, և երկու երկրների միջև 20-ամյա փաստաթղթի ստորագրումը վկայում է այս վճռականության մասին»։
Իրանի Իսլամական Հանրապետության նախագահը հայտարարել է.«Վերջին 42 տարիների ընթացքում Իրանի դեմ պատժամիջոցներն ու սպառնալիքները շատ են եղել, և Իրանի ժողովուրդը որոշել է պատժամիջոցները վերածել երկրի առաջընթացին նպաստող հնարավորության»։
«Ինչպես հայտարարել է Սպիտակ տան խոսնակը, Իրանի վրա առավելագույն ճնշումը ձախողվել է, և սա Իրանի հաղթանակի և թշնամիների պարտության կետն է»,- ասել է Ռայիսին։
Իրանի Իսլամական Հանրապետության նախագահը հավելել է.-«Վենեսուելայի ժողովրդի, կառավարության և նախագահի կամքը եղել է պատժամիջոցներին դիմակայելը, և այսօր սկսվել է այս երկրի տնտեսական աճը: Սա լավ նշան է, որը բոլորին ապացուցում է, որ դիմադրությունը գործում է և թշնամուն ստիպում է նահանջել։
Վենեսուելայի նախագահ Նիկոլաս Մադուրոն համատեղ մամուլի ասուլիսում ասել է.-«Իրանի և Վենեսուելայի միջև համագործակցության համար կան տարբեր կարևոր ոլորտներ, ինչպիսիք են էներգետիկան, նավթը, գազը, նավթաքիմիական և նավթավերամշակման գործարանները»:
Վենեսուելայի նախագահը նաև հայտարարել է, որ հուլիսի 18-ից կգործարկվի Կարակաս-Թեհրան և հակառակ ուղղությամբ ուղիղ չվերթը:
