ԻԻՀ մեծարգո առաջնորդի ողջույնները փոխանցվել են «Արևի երկրի ներգաղթյալը» գրքի ճապոնացի հեղինակին
Իսլամական հեղափոխության մեծարգո առաջնորդի գրասենյակի ղեկավարի տեղակալ Հոջաթ-օլ-Էսլամ Մոհամմադ Մոհամմադյանը չորեքշաբթի օրը այցելել է Թեհրանի Խաթամ-օլ-Անբիա հիվանդանոցում գտնվող Սրբազան պաշտպանության ճապոնացի նահատակի մորը՝ Սաբա Բաբայիին (Կոնիկո Յամամուրա) և վերջինիս է փոխանցել հեղափոխության առաջնորդի ողջույնները:
Նա ասել է.«Այաթոլլահ Խամենեին աղոթեց ձեր առողջության համար, ով իր կյանքը անցկացրել է իսլամի և հեղափոխության ճանապարհին»:
Նշելով, որ հեղափոխության գերագույն առաջնորդը վերջերս կարդացել է տիկին Բաբայիի հուշերի գիրքը և, բարձր գնահատելով գիրքը, նաև գովասանքի խոսքեր է գրել գրքում, տեղեկացրել է,որ հեղափոխության առաջնորդի աշխատությունների պահպանման և հրատարակության ինստիտուտը հրատարակել է գրքի վերաբերյալ առաջնորդի գովասանագիրը:
Այս նվիրյալ տիկինն իսլամական հեղափոխության հաղթանակի և Իրան-Իրաք պատերազմի սրբազան պաշտպանության տարիներին ներկա է գտնվել իսլամական հեղափոխության պաշտպանության ասպարեզում և իր որդուն նվիրել է իսլամական հեղափոխությանը։
Այս նահատակ մոր վայրիվերումներով լի կյանքը գրի է առնվել «Արևի երկրի ներգաղթյալը» գրքում և հրատարակվել «Սուրե Մեհր» հրատարակչության կողմից:
