Իրանի և Ռուսաստանի միջև ընդլայնվում է կապի և տեղեկատվական տեխնոլոգիաների ոլորտում համագործակցությունը
Իրանի կապի և տեղեկատվական տեխնոլոգիաների նախարարը ռուս գործընկերոջ հետ հանդիպման ժամանակ ընդգծել է. «Իրանի և Ռուսաստանի միջև համագործակցության փաստաթղթերի ստորագրմամբ կզարգանա երկկողմ համագործակցությունը հաղորդակցության և տեղեկատվական տեխնոլոգիաների ոլորտում»։
Իր ռուս գործընկերոջ հետ բանակցելուց ու խորհրդակցելուց և կապի ու հեռահաղորդակցության տեխնոլոգիաների ոլորտում համագործակցության մի քանի փաստաթղթեր ստորագրելուց հետո, Իսա Զարեպուրն ասաց.«Իրանական գիտելիքահենք և կարող ընկերությունները այսուհետ ակտիվ ներկայություն կունենան ռուսական շուկայում»։
Զարեպուրը նշել է, որ իրանական 18 հզոր ընկերություններ երեք օր է Մոսկվայում են և շատ լավ փոխըմբռնման են հասել համապատասխան ռուսական ընկերությունների հետ առերես հանդիպումների ժամանակ։
Իրանի կապի և տեղեկատվական տեխնոլոգիաների նախարարը նշել է, որ Ռուսաստանի թվային զարգացման, հեռահաղորդակցության և զանգվածային հաղորդակցության նախարարի հետ բանակցությունների ընթացքում իրանական և ռուսական ընկերությունների միջև ստորագրվել է համագործակցության չորս փաստաթուղթ և երկու նախարարությունների միջև ստորագրվել է նաև մեկ փաստաթուղթ։
