Իրանը հերքել է Ադրբեջանի հետ սահմանին ծանր տեխնիկայի կուտակման մասին լուրերը

Ադրբեջանում Իրանի դեսպանատունը մեկնաբանել է սոցցանցերում հրապարակված նկարները՝ այդ երկրի հետ սահմանին Իրանի կողմից ծանր տեխնիկայի կուտակման վերաբերյալ։

 Sputnik-ը՝ վկայակոչելով Trend-ին, հաղորդում է, որ Ադրբեջանում Իրանի դեսպանատունը Telegram ալիքում անդրադսառնալով սոցցանցերում հրապարակված լուսանկարներին, հայտարարել է. «ԻՀՊԿ-ն  չունի պաշտոնական Telegram ալիք: Կորպուսի պաշտոնական դիրքորոշումները պետք է փնտրել պաշտոնական ալիքներում և ԻՀՊԿ-ի խոսնակի հայտարարություններում»:

Դեսպանատան հայտարարության մեջ ասված է. «Սոցցանցերում հրապարակված նշված լուրը կեղծ է: Տեսանյութը հին է:  Նման խոսակցություններ են տարածում երկու երկրների հարաբերությունները խաթարել ցանկացողները»: