Մոսկվայի ցուցահանդեսին իրանական ավտոմոբիլային ընկերությունների օրակարգում է մեքենաների և պահեստամասերի արտահանումը
Մոսկվայի ավտոմոբիլների և պահեստամասերի միջազգային ցուցահանդեսին մասնակցում են նաև իրանական ավտոմեքենաներ և ավտոպահեստամասեր արտադրող ընկերություններ, որոնք կենտրոնացած են ավտոմեքենաների արտահանման և համատեղ արտադրության վրա:
ԻՌՆԱ լրատվական գործակալության հաղորդման համաձայն, ՌԴ-ում ԻԻՀ դեսպան Քազեմ Ջալալին հայտարարել է, որ ավտոմեքենաների արտահանման և համատեղ արտադրության ոլորտում աշխատող ավտոմոբիլային մի քանի ընկերություններ և պահեստամասեր արտադրող շուրջ 50 իրանական ընկերություններ ակտիվորեն ներկա կլինեն Մոսկվայի միջազգային ցուցահանդեսին:
Ջալալին նշել է, որ Իրանը միակ երկիրն է, որը Մոսկվայում անցկացվող ցուցահանդեսում ունի ամենամեծ թվով կենտրոնացված տաղավարները՝ 1700 քմ տարածք ունեցող սրահում զբաղեցնելով ավելի քան 900 քառակուսի մետր տարածք:
Մոսկվայի միջազգային ցուցահանդեսային կենտրոնում (Expo Center) 18 երկրներից մոտ 600 ընկերությունների ներկայությամբ, 30,000 մետր ցուցահանդեսային տարածքում, օգոստոսի 22-25-ը ընթանում է Մոսկվա 2022 Ռուսաստանի ավտոմոբիլային և պահեստամասերի 26-րդ միջազգային ցուցահանդեսը:
