Ռայիսի. Իրանի ՊՆ մասնագետներին մեկ քայլ է մնացել մարդատար ինքնաթիռի կառուցման համար
ԻԻՀ նախագահը հայտարարել է, որ աշխարհի ռազմական պաշտոնյաներն ընդունում են Իրանի պաշտպանական արդյունաբերության զարգացումը, հավելելով, որ ՊՆ մասնագետներին մեկ քայլ է մնացել մարդատար ինքնաթիռի կառուցման համար
Երկուշաբթի առավոտյան պաշտպանության նախարարության և զինված ուժերի աջակցության նախարարի, ղեկավարների և աշխատակիցների հետ հանդիպման ժամանակ, Էբրահիմ Ռայիսին ասել է.«Պաշտպանական արդյունաբերության մեջ գիտնականների և մասնագետների արժեքավոր ձեռքբերումները ոչ միայն Իրանի, այլև իսլամական աշխարհի և Իրանի Իսլամական հեղափոխության հետևորդների համար հուսալի, իսկ թշնամիների համար հուսահատեցնող են»:
Նա հավելել է. «Չնայած մեր պաշտպանական արդյունաբերության դեմ ուղղված թշնամիների սպառնալիքներին, ճնշումներին և պատժամիջոցներին, այս ոլորտում ավելի շատ առաջընթացներ են գրանցվել, քան մյուս ոլորտներում: Պատճառը շատ բարձր մոտիվացիան է, որն առկա է պաշտպանական արդյունաբերության ոլորտում՝ հանուն երկրի ինքնաբավության և անկախության, և այդ առաջընթացի արդյունքում ապահովվել է երկրի հզորությունը»։
Նշելով, որ արդյունավետությունը, բարձր ճշգրտությունը և խելամտությունը Իրանի պաշտպանական արդյունաբերության մեջ արտադրվող արտադրանքի երեք շատ կարևոր հատկանիշներն են, Ռայիսին ասել է.«Այսօր Իսլամական Հանրապետությունն ուժեղ է, քան երբևէ, իսկ մեր թշնամիներն ավելի թույլ են, քան երբևէ»:
