Իրանի եւ Բելառուսի բարձրագույն վերահսկիչ մարմինները փոխըմբռնման հուշագիր են ստորագրել
Իրանի Իսլամական Հանրապետության բարձրագույն վերահսկիչ դատարանը (ՍԱԿ) եւ Բելառուսի Հանրապետության պետական վերահսկողական կոմիտեն փոխըմբռնման հուշագիր են ստորագրել, հայտնում է Mehr-ը։
Ղազախստանում ECOSAI-ի 9-րդ հանդիպման շրջանակում Իրանի Գերագույն վերահսկիչ դատարանի ավագ նախագահ Մեհրդադ Բազրփաշը եւ Բելառուսի Հանրապետության Պետական վերահսկողական կոմիտեի ֆինանսական մոնիտորինգի վարչության տնօրեն Վասիլի Գերասիմովը համատեղ համագործակցության վերաբերյալ փոխըմբռնման հուշագիր են ստորագրել երկու երկրների միջեւ՝ 13 կետով եւ հինգ տարի ժամկետով։
Բազրպաշը հայտարել է, որ Իրանի Գերագույն վերահսկիչ դատարանները եւ Բելառուսի Հանրապետության պետական վերահսկողական կոմիտեն կարող են օգնել երկու երկրների կառավարություններին տնտեսական հարաբերությունների ընդլայնման հարցում։
Անդրադառնալով երկրների նկատմամբ կիրառվող պատժամիջոցներին՝ նա հավելել է, որ երկու երկրները պատժամիջոցների չեզոքացումը կարող են իրենց համատեղ օրակարգ մտցնել ավելի լավ համակարգման դեպքում։
Պատժամիջոցները չեզոքացնելու եղանակներից մեկն այն է, որ երկրները, որոնց նկատմամբ խիստ պատժամիջոցներ են կիրառվել, միավորվեն այն երկրների դեմ, որոնք պատժամիջոցներ են կիրառում մյուսների նկատմամբ, ասել է նա:
Բազրպաշը Բելառուսի հետ հուշագրի ստորագրումը ֆինանսական կարգավորող մարմինների առաջին գործողություն է անվանել։
Վասիլի Գերասիմովը, իր հերթին, քննադատել է խիստ պատժամիջոցները երկու երկրների դեմ։
news.am
